Me pēhea te whai i te mahi a te kaitito Māori, a te ringapuoro Māori rānei i tēnei rā? Ahakoa i whakatipuria koe ki te ao Māori, he whāngai rānei koe ki tētahi whānau Māori, kei te kimikimi tonu koe, kei te takahi koe i tētahi ara hou – he aha te take kua warea katoa koe ki te whakapuaki i ō whakaaro mā te rangi, mā te manawataki me ngā kupu? He aha rā oti tēnei mea te ao puoro Māori? He moana pukepuke hoki – me pēhea te tārai i tōu ake waka puoro, e tū ai koe hei kaiwaiata tūturu. Rapua ngā whakautu ki te taha o Alana Broughton me ngā ringapuoro Māori tokowhā, arā, ko Rei rātou ko Mere Boynton, ko Ria Hall, ko Pere Wihongi. Rukuhia tēnei puna kōrero mō te hōhonutanga o ō rātou whakaaro mō te whakapapa, mō te māia me tō rātou manawaroa i te ara puoro.
What does it take to be a Māori composer and musician today? If you grew up immersed in your Māoritanga, or due to the circumstances of your whānau, your take on being Māori it’s still a journey of reclamation and discovery - why have melodies, rhythms and lyrics become your self-expression - and what is it about the industry of music, notoriously filled with persistent challenges - how do you overcome to rise and perform your own waiata. Find out with host Alana Broughton and wha four Māori artists from across the spectrum of music: Rei, Mere Boynton, Ria Hall and Pere Wihongi, for a meaningful kōrero about identity, the need for resilience and what keeps them creating.
He whakamārama
Whakapiri mai ki te kaiwhakataki, ki a Alana Broughton i a ia e mātoro haere ana i te ara o te oranga me te toi puoro ki te taha o ngā ringapuoro Māori whakaharahara pērā i a Ria Hall, i a Pere Wihongi, i a Mere Boynton, i a Rei hoki. E whā ngā hōtaka o tēnei kaupapa e whakatairanga ana i te māia, i te whakapapa, i te auahatanga o te ngākau tangata me ngā whakaaturanga puoro whakamīharo. He puna kōrero e rangona ai te mana o te ngākau auaha.
Ko wai ngā ringapuroro?
Kei Inspiring Journeys Through Music ngā kōrero whaiaro nō te ngākau o ngā ringapuoro Māori whakahirahira tokowhā nei:
- Pere Wihongi — he tohu ngā mahi huhua a Pere Wihongi o tōna kakama me tōna ngākau pūmau ki āna kaupapa. Mai i tōna itinga ki te marae, ki āna mahi whānui ki te ao pāpāho me te ao puoro, ko Pere te whakatinanatanga o te ngākau auaha me te manawa tītī ki te reo Māori ki roto i ngā mahinga toi, i te ao puoro me te ao kiriata o te ao hou.
- Ria Hall — he wahine toa, he ngākau auaha hoki tēnei wahine, ka paorooro te reo o Ria Hall ki tua atu o te atamira e rangona ai te mana o tōna whakapapa me te tangi o tōna anō ara puoro. Ko te mana wahine te pūtake o āna mahi, ā, kua takahi ia i te ara puoro i runga i te ngākaunui, i te māia, i te mahi ngātahi me te aroha nui o te whaea ki āna tamariki.
- Rei — nā Rei anō tōna anō ara puoro i para, he ringawhiti a ia e pūmau ana ki te auahatanga me te whakatairangatanga o ngā tikanga. He whakawhitinga kōrero āna mahi puoro, ka whakawhenumihia te manawataki me te manawaiti e wetewete ana i ngā here o te ao puoro o Aotearoa.
- Mere Boynton — ko te ara puoro o Mere Boynton, he ara whānui, he ara pono hoki. He nui āna whakatutukinga i te ao kiriata me te ao whakaari. He kaitaunaki ia i te ao toi whānui, a, e kawe ana tōna reo waiata i ngā kōrero o mua me ngā tūmanako mā ngā reanga e haere tonu mai ana.
Nō te huihuinga mai o ēnei ringapuoro, ka kitea ngā tini āhuatanga rerekē me te mana nui o te ao puoro o Aotearoa, arā, ko ngā pūkenga, ko te ngākaunui me te manawaroa o tēnei tokowhā i a rātou e takahi ana i ō rātou ake ara puoro.
Ngā kaimātakitaki: mā wai tēnei whakaaturanga?
He kaupapa a Inspiring Journeys Through Music mā te hunga e rapu ana i tētahi toka āhuru i ngā ākinga o te moana pukepuke o te ao puoro. Kia hora anō te marino o te puoro ki roto i te whatumanawa, kia kā mai anō te ahi ki roto i ngā ringapuoro hou, ki ngā ringarehe me ngā mātanga, kia tirohia hoki ō rātou ake takahanga i te ao puoro. Me he rama ngā kōrero a tēnei tokowhā e pīataata ana i ngā wai nui, i ngā wai roa, i ngā wai hōhonu o te ao puoro, kia mārama ake ai te titiro ki te ara whakamua. Ko te mana tēnei o te kupu, o te whakapapa Māori me te whakawhanaungatanga – he hikinga wairua, he pou whakaawe tēnei kaupapa e whakapūmau ana i te manawanui ki roto i a tātou katoa.
He aha te take me mātaki au i te hōtaka o Inspiring Journeys?
Rukuhia te puna kōrero o ēnei ringapuoro Māori e takahi ana i ō rātou ake ara puoro i runga i te pono me te māia. Ehara i te mea ko te puoro anake te kaupapa o ēnei hōtaka; e mātoro ana koe i te ahurea, i te tuakiri me te wairua o te ngākau tangata. Mā te whakapuakitanga o ngā kōrero whaiaro me te ihiihi o ngā whakaaturanga, ka kite koe i te ngākau titikaha o ēnei ringapuoro i a rātou e takahi ana i te ara kōpikopiko o te ora, o te puoro me ngā whakapaparanga o te kāwai tangata. Mēnā e ngākaunui ana koe ki te puoro, e rapu ana rānei koe i te hōhonutanga me te hihiri o te ngākau tangata – he ara tēnei hei whai māu, he ara namunamu e puta ai koe ki tōu anō ao mārama.
--
About
In Inspiring Journeys Through Music, host Alana Te Piki Broughton explores the rich tapestry of life and artistry with powerhouse Māori artists Ria Hall, Pere Wihongi, Mere Tokorahi Boynton and Rei. This four-part series is a masterclass in resilience, identity and creative expression, offering intimate interviews followed by soul-stirring performances. Embrace the wairua of their stories and be moved by the power of their creative expression.
Who’s involved
Inspiring Journeys Through Music features personal and insightful interviews with four remarkable Māori artists:
- Pere Wihongi — the multifaceted career of Pere Wihongi is a testament to her versatility and dedication to her craft. From her early days on the marae to her expansive work in broadcasting and music, Pere embodies the spirit of innovation and the enduring importance of te reo Māori in contemporary art forms, music and movies.
- Ria Hall — an icon of strength and creativity, the voice of Ria Hall transcends the stage, echoing the power of her heritage and the resonance of her unique musical journey. With her roots firmly planted in her identity as a wahine Māori, the story of Ria is one of passion, resilience, collaboration and the balancing act of art and motherhood.
- Rei — charting his own path, the musical journey of multi-talented artist Rei showcases his commitment to creativity and cultural relevance. His work is a dialogue with his listeners, a blend of beats and introspection that pushes the boundaries of the Aotearoa music scene.
- Mere Boynton — the journey of Mere Boynton is painted with the broad strokes of an artist who has embraced every opportunity to express her truth. An accomplished film and theatre actor and a devoted advocate for the arts, the voice of Mere is a powerful instrument that carries the stories of her past and the hopes for future generations.
Together, these four artists offer a diverse and compelling glimpse into the multifaceted world of New Zealand music, showcasing the talent, passion, and dedication that define their inspiring musical journeys.
Target audience: who is this show for
Inspiring Journeys Through Music is for those who find solace in tales of tenacity and the rhythm of resilience. It's for those who see music as a mirror to the soul and for emerging, mid-career, and established artists seeking a spark of innovation and a reflection of their own artistic voyage. This series is a beacon for anyone navigating the complexities of creative life, offering masterclass-level insights through the diverse experiences, triumphs, and tribulations of four Māori luminaries. Whether you're drawn to the personal power of storytelling or to the communal celebration of cultural identity, this series will resonate deeply, inspire profoundly, and reaffirm the unyielding spirit within us all.
Why should I watch Inspiring Journeys?
Watch Inspiring Journeys Through Music to immerse yourself in the powerful stories of Māori artists who have carved their paths with authenticity and resilience. This series isn't just about music; it's an exploration of culture, identity, and the human spirit. Through intimate conversations and soul-stirring performances, you'll witness the fortitude of these artists as they navigate the complexities of life, art, and the deep roots of their heritage. Whether you're a music lover or simply someone in search of profound human connection and inspiration, these journeys will resonate with you, challenge you, and perhaps even influence your own path.